आज एक बर्ष पुरा जनप्रतिनिधिको ,खुशी भन्दा निराशा बढी

अवलोकित सामाचारदाता कञ्चनपुर,असोज २ । स्थानिय तहको चुनावपछिको एक बर्षमा सर्वसाधरण जनता जनप्रतिनिधिहरुबाट  खुशी हुनुका सट्टा निराश भएका छन...

अवलोकित सामाचारदाता
कञ्चनपुर,असोज २ ।

स्थानिय तहको चुनावपछिको एक बर्षमा सर्वसाधरण जनता जनप्रतिनिधिहरुबाट  खुशी हुनुका सट्टा निराश भएका छन् ।

कञ्चनरुप नगरपािलका भवन 

आजकै दिन अर्थात २०७४ साल असोज २ गते स्थानीय चुनाव भएको भएको थियो । एक बर्ष पुरा भएको छ । नगर क्षेत्रमा विध्यमान समस्याका बारेमा आम(जनमानसमा ब्यापकरुपमा आलोचना खेप्दै आएका छन् । स्थानीय सरकारको जिम्मेवारी पाएका जनप्रतिनिधिहरु तथा सरकार प्रमुखले नगरलाई विकास,स्वास्थ्य,शिक्षा तथा आरक्ष पिडितको पक्षमा काम गर्ने उद्घोष गरेका थिए । उनीहरु जनताको सेवकको रुपमा कार्य गर्ने वाचा गरेका थिए । तर सेवक भन्दा शासक जस्तो व्यवहार गरिरहेको आम जनताहरुको गुनासो छ ।

समस्या ज्यूको त्यू ः

नगर भित्र रहेका प्रमुख समस्या फोहर ब्यवस्थापन ज्यूको त्यू छ । कर्मचारीले जनप्रतिनिधीको काम गरिरहेको बेलामा विकासका कार्य जहाँसम्म थिए त्यहा भन्दा धेरै अगाडि बढन सकेको छैन । 

कञ्चनरुप ३ मा निर्माण गरिएको डम्पिङ साइड प्रयोग विहिन छ । 

नगरको प्रमुख बजार कञ्चनपुरमा भएको एक मात्र शौचालय महिनादिन देखी बन्द छ । खुल्ला दिशा मुक्त नगरमा स्वयम जनप्रतिनिधिहरु विना कुनै सरम चौक र बजारको मुख्य क्षेत्रमा शौचालय गरिरहेको दृश्य समान्य झै लाग्छ । 

शिक्षाका क्षेत्रमा नगर प्रमुखले पदभार ग्रहण गरेकै दिन, म अब कुनै पार्टि विशेषको मेयर होइन,मेरो लागि सबै नगरवासी बराबर हुन्,भोट दिए नदिएको आरोप कसैलाई पनि गर्ने छैन भन्ने बाचा गरेका थिए । तर एक वर्ष वितिसक्दा पनि अहिले सम्म नगरपालिकामा के भयो भन्ने कुरा प्रत्यक्ष अनुभव गर्न सकेको छैन । 

नगर प्रमुख स्वास्थ्य र शिक्षामा विशेष जोडका साथ लागि   परेका उद्घोष  गरे पनि शिक्षा क्षेत्रमा सुधारको प्रत्यक्ष अनुभुति नगरवासीले गर्न पाएका छैनन् । कञ्चनपुरको प्राथमिक स्वास्थ्य केन्द्रलाई अस्पतालमा रुपान्तर उद्घोष गरेका थिए। स्वास्थ्य क्षेत्रमा केही सुधारको सम्भावना देखिएको छ । खासमा नगरमा स्वास्थ्य क्षेत्रमा सुधार भए पनि अन्य क्षेत्रमा बढी आलोचना नै  खेपिरहेका छन् । ‌‍‍‍