कञ्चनरुप नगरपालिकाको प्रथम नगरसभा सम्पन्न, सार्वजनिकीकरण दुई हप्ता पछि

राजकुमार पासवान कञ्चनपुर, ५ फागुन । हाम्रो कञ्चनरुप राम्रो कञ्चनरुप, हाम्रो सप्तरी राम्रो सप्तरी मूल नाराका साथ शिक्षा, स्वास्थ्य, कृषि, पश...

राजकुमार पासवान
कञ्चनपुर, ५ फागुन ।
हाम्रो कञ्चनरुप राम्रो कञ्चनरुप, हाम्रो सप्तरी राम्रो सप्तरी मूल नाराका साथ शिक्षा, स्वास्थ्य, कृषि, पशु तथा गरिब, दलित महिलामा प्राथमिकताका साथ कञ्चनरुप नगरपालिकाको प्रथम नगरसभा सोमवार सम्पन्न भएको छ ।
कञ्चनरुप नगरपालिका सोमवार कञ्चन अतिथि गृह हटिया प्राङ्गणमा मार्फत प्रथम नगरसभा सम्पन्न भएको नगरपालिकाका प्रवक्ता तथा ८ नम्वरका वडा अध्यक्ष राजकुमार साहले पत्रकार सम्मेलनको आयोजना गरि जानकारी दिएका हुन् । नगरपालिकाले प्रस्तुत गरेको नीति तथा कार्यक्रम शिक्षा, स्वास्थ्य र गरिब,दलित रहेको बताउँदे बजेट तथा नीत, कार्यक्रमलाई ईमान्दारीका साथ कार्यान्वयन गर्नुपर्नेमा जोड दिए ।
कञ्चनरुप नगरपालिकाका प्रमुख बसन्त कुमार मिश्रले आर्थिक बर्ष २०७४÷०७५ को लागी ४१ करोड, ९६ लाख, ३४ हजार ३७ रुपैयाँको बजेट कार्यक्रम प्रस्तुत गरे । पत्रकार सम्मेलनमा सार्वजनिक गरिएको नीती तथा कार्यक्रमले गरिबसँग विश्वेश्वर कार्यक्रम, स्थानीय शासन तथा सामुदायिक विकास कार्यक्रम, शिक्षा स्वास्थ्य, ऐतिहासिक धार्मिक सम्पदाहरुको संरक्षण पर्यटन विकास र फोहर व्यवस्थापन लगायतका कार्यक्रमलाई बढी जोड दिईएको छ ।
पत्रकार सम्मेलनमा प्रवक्ता साहले दुई हप्ता भित्रमा राजनिती दल, सर्वसाधारण जनता, कर्मचारी, समाजसेवी तथा विष्टि व्यक्तिहरुलाई आमन्त्रणा गरेर प्रथम नगरसभाको आर्थिक बर्ष २०७४÷०७५ नीति तथा कार्यक्रम सार्वजनिकीकरण गरिने छ । प्रथम नगरसभामा कञ्चनरुप नगरपालिकाका १ देखि १२ वडासम्मका वडा अध्यक्ष,वडा सदस्य ६० जना, ३ जना मनोनित सदस्य र प्रमुख तथा उप–प्रमुख गरि ६५ जनाको नगरसभाबाट प्रथम नगर सभा सम्पन्न भएको जनाईएको छ ।
नगरपालिकाको कार्यालय अब कञ्चनपुर हटिया
आर्थिक भारको मध्यनजर गरेर, सडक छेउमा तथा पार्किङ्ग समेतको व्यवस्था नभएको कारणले गर्दा नगरपालिका कार्यालयलाई कञ्चनरुप न.पा. ८ स्थित कञ्चन अतिथि गृह, अहिले प्रयोग गरिएको ८ नम्वर वडा कार्यालय, कृषि सेवा केन्द्र, पशु सेवा केन्द्रलाई समेत प्रयोग गर्ने गरि चाँडो भन्दा चाँडो नगरपालिकालाई कञ्चनपुर हटिया सार्ने प्रथम नगरसभाबाट पारित गरिएको छ ।